（པར་ངོས10པར་མཐུད་པ།） པར་ངོས11པ:ཕྱོགས་བསྡུས་གསར་འགྱུར། 2022ལོའི་ཟླ05པའི་ཚེས06ཉིན། （པར་ངོས10པར་མཐུད་པ།）མཐོང་དཀོན་པའི་ཁྲུང་ཁྲུང་སྐེ་ནག་ཀྱང་འདུག “ཁྲུང་ཁྲུང་སྐེ་ནག་ལ་ཚང་བཅའ་རོགས་བྱེད་ཆེད། ང་ཚོ་ཅུང་མིན་ན་བརླན་སའི་ནང་ལ་ནུབ་སོང་།” ཞེས་རྒྱ་མཚོས་ཁྲུང་ཁྲུང་སྐེ་ནག་ལ་ཚང་བཅའ་རོགས་བྱེད་དུས་ཀྱི་བརྗེད་དཀའ་བའི་དོན་དག་ཞིག་དྲན་བྱུང་། “སྐབས་དེར། མཚོ་སྔོན་པོའི་མཚོ་ཆུ་རྒྱས་པ་དང་། བརླན་སའི་ཆུ་ཡང་རྒྱས་པས། ཁྲུང་ཁྲུང་སྐེ་ནག་བརླན་ས་བརྒལ་ནས་འཕུར་དཀའ་བར་འདུག ང་ཚོས་ཁྲུང་ཁྲུང་སྐེ་ནག་ལ་ཚང་བཅའ་རོགས་བྱེད་འདོད་པས། རྩྭ་ཆག་དང་ཤིང་ཐུར་སོགས་ཁྱེར་ནས་བརླན་ས་བརྐྱལ་ནས་སོང་བ་ཡིན། ཐོག་དང་པོར་ཚང་མར་ཡང་ཉམས་མྱོང་མེད་པས་དངོས་པོ་འཛིན་རྒྱུ་མང་དྲགས་པས་འདམ་དུ་ཟུག་པ་དང་། སྟབས་ལེགས་པ་ཞིག་ལ་གཞན་གྱིས་རོགས་བྱས་པས་ང་ཚོ་དུས་ལྟར་ཕྱིར་འབུད་ཐུབ་སོང་། མཇུག་མཐར། ང་ཚོས་གཞི་ནས་ཚང་བཅའ་བྱའི་རྒྱུ་ཆ་དག་ཕ་གིར་ཁྱེར་ཐུབ་སོང་ལ། ཁྲུང་ཁྲུང་སྐེ་ནག་ལ་ཚང་ཡང་བཅའ་ཐུབ་སོང”ཞེས་རྒྱ་མཚོས་དེ་ལྟར་བཤད།འདྲ་པར་ཞིག་གི་ཁྲོད་དུ། སྤུ་ཁ་འཇོ་ལོ་ལོ་བྱེད་པའི་བྱེའུ་ཕྲུག་གཉིས་འདུག “ཁྱོས་ལྟོས། འདི་ནི་ང་ཚོས་བཅོས་པའི་ཚང་དེའི་ནང་དུ་ཡོད་པའི་ཁྲུང་ཁྲུང་སྐེ་ནག་གི་བྱ་ཕྲུག་རེད”ཅེས་རྒྱ་མཚོས་འདྲ་པར་དེ་སྟོན་དུས་རང་རློམ་གྱིས་ཁེངས་འདུགཐེངས་དེར་སེམས་ཤུགས་གཅིག་སྒྲིམ་གྱིས་ཁྲུང་ཁྲུང་སྐེ་ནག་ལ་ཚང་བཅོས་པ་ལས་གཞན། མདའ་བཞི་སྡེ་བའི་འབྲོག་ཁྱིམ50ལྷག་གིས་ད་དུང་དགོ་བ་ལ་ལམ་ཕྱེས་ནས། ཁྱིམ་རེའི་རྩྭ་ས་མུའུ་བརྒྱ་ཕྲག་ལྷག་དགོ་བ་ལ་ཟ་རུ་བཅུག “རྒྱ་མཚོས་རྩྭ་ས་མུའུ400ལྷག་བྱིན་འདུག ང་ཚོས་གྲོགས་པོ་འདི་དག་ལ་སྲུང་སྐྱོབ་བྱེད་འོས་ཤིང་། རང་གི་ནུས་ཚོད་ཀྱི་བྱ་བ་རེ་སྒྲུབ་འོས”ཞེས་གཡང་སྐྱབས་ཚེ་རིང་གིས་དེ་ལྟར་བཤད།མིག་སྔར། མདའ་བཞི་སྡེ་བའི“ཨུ་ལྷན་གཉིས”ཀྱིས་ཁྱིམ་མཚེས་ཆུ་ཁོལ་སྡེ་བ་དང་གྲོས་ཐོག་གཅིག་ཏུ་བཞག་ནས། མཉམ་དུ་དགོ་བ་ལ་སྲུང་སྐྱོབ་བྱེད་པ་དང་མཚོ་སྔོན་པོའི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་སྤྱི་ཕན་དཔུང་སྡེ་རུ་ཞུགས་རྒྱུ་བྱས།3. མི་རབས་ནས་མི་རབས་བར་དགོ་བར་སྲུང་སྐྱོབ་བྱས་པ།རྒྱུ་མཚོའི་བུ་ནི་ད་ལོར་ལོ17ཡིན་ཞིང་མཐོ་གཉིས་འགྲིམས་བཞིན་འདུག “ཁོ་ཆུང་དུས་ནས་དགོ་བ་དང་མཉམ་དུ་རྩེད་རྒྱུར་དགའ་ལ། ད་དུང་དགོ་བ་ལ་མིང་མང་པོ་བཏགས་མྱོང་། ཁོས་བཤད་རྒྱུར། ཁོས་རྗེས་ཕྱོགས་ཕ་ཡུལ་དུ་བྱ་བ་ལས་རྒྱུ་ཡིན་ལ། ང་དང་འདྲ་བར་སྲོག་ཆགས་དང་སྐྱེ་ཁམས་ལ་སྲུང་སྐྱོབ་བྱེད་པའི་བྱ་བ་སྒྲུབ་འདོད་ཟེར”ཞེས་རྒྱ་མཚོས་ཁེངས་རློམ་དང་བཅས་དེ་ལྟར་བཤད།“དྲང་མོར་བཤད་ན། ངའི་སེམས་སུ་རྒྱུན་པར་བུ་ཆུང་རྩྭ་ཐང་ནས་གཞན་དུ་འགྲོ་ཐུབ་ཚེ། འཚོ་བ་དེ་འདྲའི་དཀའ་མོ་ཞིག་ཡིན་མི་སྲིད་པར་བསམ་བཞིན་ཡོད། འོན་ཀྱང་ཕྱིར་འདང་རེ་བརྒྱབ་ན། ཕ་ཡུལ་གྱི་སྐྱེ་ཁམས་ལ་སྲུང་སྐྱོབ་བྱེད་རྒྱུ་དེ་ང་ཚོའི་བུ་རབས་ཚ་རྒྱུད་རྣམས་དང་འབྲལ་ཐབས་མི་འདུག་ལ། ང་ཚོས་འདི་ལྟར་བྱེད་པ་ཡང་བུ་རབས་ཚ་རྒྱུད་ཀྱི་ཆེད་དུ་ཡིན”ཞེས་རྒྱ་མཚོས་དེ་ལྟར་བཤད།རྒྱ་མཚོ་ནི་མི་སྣང་སྐྱིད་ཅིག་རེད། ཁོས་བཤད་རྒྱུར། “2006ལོར་ཏང་ནང་དུ་ཞུགས་དུས། ངས་ཆུང་མ་ལ་ཏང་ཡོན་ཞིག་ཡིན་ན་ཚང་མར་འདང་རྒྱག་པ་ལས་རང་ཉིད་གཅིག་པུ་བསམ་མི་རུང་བ་དང་། དེ་ལྟར་མིན་ཚེ་ཚད་ལྡན་གྱི་ཏང་ཡོན་ཞིག་མིན་ཞེས་རྒྱུན་པར་སྐད་ཆ་དེ་ཟློས་པ་ཡིན། ད་སྐབས། ཆུང་མས་ཀྱང་དེ་ལྟར་འདོད་ཀྱིན་ཡོད་དེ། མོས་ནམ་ཡང་ཁ་རོག་གེར་ང་ལ་རྒྱབ་སྐྱོར་བྱེད་ཀྱིན་ཡོད།”རྒྱ་མཚོའི་མཚོ་ལ་སྐོར་ཞིབ་བྱེད་པའི་རླངས་འཁོར་ལ་བསྡད་དེ། ང་ཚོ་ཁོ་རང་སྔོན་ཆད་ཉེན་ཁར་འཕྲད་མྱོང་བའི་མཚོ་ལྗང་ཁྲའི་ཁ་ལ་སླེབས། འདི་ནི་ཁོའི་རླངས་འཁོར་གསུམ་པ་རེད། ཁོས་བཤད་རྒྱུར། ས་གཞི་འདིའི་དྭངས་གཙང་ལ་སྲུང་སྐྱོབ་བྱེད་ཆེད་བསྒྲུབས་པའི་བྱ་བ་ཡོད་ཚད་ནི་དོན་སྙིང་དང་ལྡན་པ་ཞིག་རེད།འདི་ནི་རྒྱ་མཚོའི་བྱས་རྗེས་ཡིན་ལ། འབྲོག་པ་གཞན་དག་གི་བྱས་རྗེས་ཀྱང་ཡིན། དེ་ལས་ཀྱང་ཝ་མགྱོགས་ཞང་མདའ་བཞི་སྡེ་བའི་མི་དམངས་ཀྱིས་མི་རབས་ནས་མི་རབས་བར་དུ་བརྟན་པོར་སྲུང་བའི་བྱས་རྗེས་རེད། ། （པར་ངོས10པར་མཐུད་པ།）ཁྲུང་ཁྲུང་སྐེ་ནག་གི་བྱ་ཕྲུག་དམར་འབྱར།
