འཕེལ་རྒྱས་ཀྱི་འདུ་ཤེས་གསར་པ་དེ་རང་འགུལ་གྱིས་འཕེལ་རྒྱས་ཀྱི་ཆགས་སྟངས་གསར་པའི་ནང་འདྲེས་

སུ་བཅུག་སྟེ།འཐབ་ལམ་གསར་པའི་སྟེང་སི་ཁྲོན་འཕེལ་རྒྱས་ཀྱི་ལེའུ་གསར་པ་ཧུར་ཐག་གིས་འབྲི་དགོས།

ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི།ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཉེ་ཆར་སི་ཁྲོན་དུ་རྟོག་ཞིབ་མཛད་སྐབས་ནན་གྱིས་བསྟན་དོན། ཏང་ཀྲུང་དབྱང་གི་ཇུས་ཆོད་བཀོད་སྒྲིག་མཐའ་གཅིག་ཏུ་ལག་ལེན་མཐར་ཕྱིན་བྱེད་པ་དང་།རླབས་ཆེ་བའི་ཏང་འཛུགས་སྙིང་སྟོབས་དར་སྤེལ་གཏོང་བ། བརྟན་ཐོག་ཡར་འཕེལ་གྱི་བྱ་བའི་སྤྱིའི་བྱེད་ཕྱོགས་རྒྱུན་འཁྱོངས་བྱེད་པ།འཕེལ་རྒྱས་ཀྱི་འདུ་ཤེས་གསར་པ་ཆ་ཚང་དང་ཡང་དག་དང་ཁྱོན་ཡོངས་བཅས་ཀྱི་སྒོ་ནས་ལག་བསྟར་བྱེད་པ།རང་འགུལ་གྱིས་འཕེལ་རྒྱས་ཀྱི་ཆགས་སྟངས་གསར་པར་ཞབས་ཞུ་སྒྲུབ་པ་དང་དེའི་ནང་དུ་ཞུགས་པ། རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་འཕེལ་རྒྱས་གཉིས་གཅིག་གྱུར་འཆར་འགོད་བྱེད་པ།དཔལ་འབྱོར་བརྟན་བརླིང་ངང་འཕེལ་རྒྱས་ཡོང་བ་རྒྱུན་འཁྱོངས་བྱེད་པ།སྤྱི་ཚོགས་ཀྱི་སྤྱི་ཡོངས་བརྟན་བརླིང་ཡོང་བ་རྒྱུན་སྲུང་དང་། སི་ཁྲོན་བཅོས་སྐྱོང་དང་སི་ཁྲོན་དར་སྤེལ་གཏོང་བའི་སྐས་རིམ་གསར་པར་སྤོ་བ་བཅས་བྱས་ཏེ།སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཁྱོན་ཡོངས་ནས་འཛུགས་སྐྲུན་བྱེད་པའི་འཐབ་ལམ་གསར་པའི་སྟེང་སི་ཁྲོན་འཕེལ་རྒྱས་ཀྱི་ལེའུ་གསར་པ་ཧུར་ཐག་གིས་འབྲི་བ་དང་། བྱ་སྤྱོད་དངོས་ལ་བརྟེན་ནས་ཏང་གི་ཚོགས་ཆེན་ཉི་ཤུ་པ་བདེ་བླག་ངང་འཚོགས་པར་བསུ་མ་བྱེད་དགོས།

ཟླ6པའི་ཚེས8ཉིན། ཞི་ཅིན་ཕིང་སི་ཁྲོན་ཞིང་ཆེན་ཏང་ཨུའི་ཧྲུའུ་ཅི་ཝང་ཞའོ་ཧུའེ་དང་ཧྲེང་ཀྲང་ཧོང་ཆང་གཉིས་ཀྱི་ཕེབས་རོགས་འོག སྔ་རྗེས་སུ་མེ་ཧྲན་དང་དབྱི་པིང་སོགས་ཀྱི་ས་ཆར་ཕེབས་ནས། ཞིང་སྡེ་དང་རིག་དངོས་སྲུང་སྐྱོབ་སྡེ་ཁག སློབ་གྲྭ།ཁེ་ལས་སོགས་ཀྱི་གནས་ཚུལ་ལ་བརྟག་ཞིབ་མཛད།

ཟླ6པའི་ཚེས1ཉིན། སི་ཁྲོན་གཡག་རྔ་རུ་ཚད་རིམ6.1ཅན་གྱི་ས་ཡོམ་བྱུང་བར། ཞི་ཅིན་ཕིང་གིས་དེ་མ་ཐག་ཏུ་མཛུབ་སྟོན་གལ་ཆེན་གནང་སྟེ། སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ནུས་ཤུགས་ཡོད་རྒུ་བཏོན་ནས་མྱུར་སྐྱོབ་རྒུད་སྐྱོབ་བྱེད་པ་དང་།རྐྱེན་ལམ་དུ་ཤོར་མཁན་གྱི་ཁྱིམ་མི་ལ་སེམས་གསོ་བྱེད་པ།རྨས་སྐྱོན་ཕོག་པའི་མང་ཚོགས་དུས་ཐོག་ཏུ་སྐྱོབ་བཅོས་བྱེད་པ་བཅས་ཀྱིས།གནོད་ཐེབས་མང་ཚོགས་ཀྱི་འཚོ་བ་བཀོད་སྒྲིག་ལེགས་པོ་དང་ཡང་བསྐྱར་གནོད་འཚེ་ཐེབས་པར་འགོག་སྲུང་ལེགས་པོ་བྱེད་དགོས་ལ།གནོད་ཕྱིའི་བསྐྱར་སྐྲུན་དམ་འཛིན་བྱས་ཏེ།རྒྱུན་ལྡན་གྱི་ཐོན་སྐྱེད་དང་འཚོ་བའི་སྒྲིག་ལམ་མྱུར་དུ་སླར་གསོ་བྱེད་དགོས་པའི་བླང་བྱ་བཏོན། ཀྲུང་དབྱང་འབྲེལ་ཡོད་སྡེ་ཁག་གིས་མྱུར་དུ་རྒྱལ་ཁབ་ས་ཡོམ་གྱི་རིམ་པ་གསུམ་པའི་བྲེལ་བསྟུན་ཁ་གཏད་འཇལ་མགོ་བརྩམས་པ་དང་། སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་མགྱོགས་མྱུར་སྒོས་ཡོམ་འགོག་རྒུད་སྐྱོབ་བྱ་བ་རྩ་འཛུགས་བྱས་ནས་སྤེལ་ཏེ།རྨས་མ་མྱུར་སྐྱོབ་ཀྱི་བགྲོད་ལམ་ཤར་གཏོང་བྱས་ཐོག རྨས་མ་སྐྱོབ་བཅོས་ཀྱི་བྱ་བ་ནུས་ཤུགས་ཡོད་རྒུས་ལེགས་པོར་བསྒྲུབས་པ་དང་གནོད་ཐེབས་མང་ཚོགས་དུས་ཐོག་ཏུ་སྤོ་བསྒྱུར་དང་བཀོད་སྒྲིག་བྱས། མིག་སྔར་གནོད་ཐེབས་མང་ཚོགས་མང་ཆེ་ཤོས་ཕྱིར་ཁྱིམ་དུ་ལོག་ཡོད་པས། སི་ཁྲོན་གྱིས་ཞིང་ཆེན་རིམ་པའི་ས་ཡོམ་གྱི་རིམ་པ་གསུམ་པའི་བྲེལ་བསྟུན་ཁ་གཏད་འཇལ་མཚམས་བཞག་སྟེ། སླར་གསོ་བསྐྱར་སྐྲུན་གྱི་དུས་རིམ་དུ་ཞུགས།

རྟོག་ཞིབ་ཀྱི་སྐབས་སུ།ཞི་ཅིན་ཕིང་གིས་རྨས་ཕོག་མི་སྣའི་སྐྱོབ་བཅོས་དང་གནོད་ཁུལ་མི་དམངས་ཀྱི་ཐོན་སྐྱེད་དང་འཚོ་བར་ཐུགས་ཁུར་ཆེན་པོ་མཛད་དེ། ཡོམ་འགོག་རྒུད་སྐྱོབ་ཀྱི་འཕེལ་རིམ་གནས་ཚུལ་ལ་རྒྱུས་ལོན་ཟབ་མོ་གནང་བ་དང་། སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་མུ་མཐུད་དུ་རྨས་མ་སྐྱོབ་བཅོས་བྱ་བ་ལེགས་པོར་སྒྲུབ་པ་དང་།གནོད་ཐེབས་མང་ཚོགས་ལ་སེམས་གསོ་བྱེད་པར་ཤུགས་སྣོན་པ།རྐྱེན་ལམ་དུ་ཤོར་བའི་འདས་འཇུག་བྱ་བ་ཐག་གཅོད་ལེགས་པོ་དང་དེའི་ཁྱིམ་མི་ལ་སེམས་གསོ་བྱས་ཏེ།གནོད་ཐེབས་མང་ཚོགས་བཀོད་སྒྲིག་ལེགས་པོ་དང་གཞི་རྩའི་འཚོ་བའི་དངོས་རྫས་མཁོ་འདོན་ལ་འགན་སྲུང་བྱེད་དགོས་པར་མ་ཟད།སླར་གསོ་བསྐྱར་སྐྲུན་འཆར་འགོད་ལེགས་པོར་བཀོད་དེ།ལག་ལེན་དམ་འཛིན་བྱེད་པ་དང་།གནོད་ཐེབས་མང་ཚོགས་ཀྱིས་སྔ་མོ་ནས་རྒྱུན་ལྡན་གྱི་ཐོན་སྐྱེད་དང་འཚོ་བ་སླར་གསོ་ཐུབ་པར་རོགས་འདེགས་བྱེད་དགོས་པའི་མངག་བཅོལ་གནང་།

ཚེས8ཉིན་གྱི་སྔ་དྲོར།ཞི་ཅིན་ཕིང་མེ་ཧྲན་གྲོང་ཁྱེར་ཏུང་ཕོ་ཆུས་ཐའེ་ཧི་གྲོང་རྡལ་ཡུང་ཧྥེང་སྡེ་བ་རུ་ཕེབས་ཏེ་རྟོག་ཞིབ་དང་བརྟག་ཞིབ་མཛད། ཡུང་ཧྥེང་སྡེ་བས་འབྲས་ཐོན་ལས་དང་ལག་རྩལ་གྱི་དགེ་མཚན་ལ་བརྟེན་ནས།ཞིང་ཆེན་ཡོངས་ཀྱི་གཞི་ཁྱོན་ཆེས་ཆེ་བའི་འབྲས་ཀྱི་རིགས་སྣ་གསར་པ་དང་ལག་རྩལ་གསར་པའི་ཚོད་ལྟ་རྟེན་གཞི་བཙུགས་ཡོད།ཚད་གཞི་མཐོ་བའི་འབྲས་འདེབས་འཛུགས་རྟེན་གཞི་རུ།ཞི་ཅིན་ཕིང་གིས་སྡེ་བ་ཧྲིལ་པོའི་གནས་ཚུལ་མཚམས་སྦྱོར་ལ་གསན་རྗེས།ཁོ་ཚོས་འབྲུ་རིགས་འདེབས་འཛུགས་རྒྱུན་འཁྱོངས་བྱས་ཏེ་རྒྱལ་ཁབ་ཀྱི་འབྲུ་རིགས་བདེ་འཇགས་འགན་སྲུང་བྱེད་ཐབས་ལ་ཁས་ལེན་མཛད།ཞི་ཅིན་ཕིང་གིས་ནན་གྱིས་བསྟན་དོན། ཁྲེན་ཏུའུ་གཞོང་ལ་སྔར་ནས“ཁྲེན་ཏུའུ་ལྷ་ཡི་གྲོང་ཁྱེར”ཞེས་པའི་མཚན་སྙན་ཐོབ་ཡོད་པས།རྨོ་ཞིང་གི་དམར་ཐིག་བརྟན་སྲུང་དང་།འབྲུ་ཐོན་གཤིན་ས་འདིར་སྲུང་སྐྱོབ་ལེགས་པོ་དང་འབྲུ་རིགས་ཐོན་སྐྱེད་དམ་འཛིན་ནན་འཛིན་བཅས་བྱས་ཏེ།དུས་རབས་གསར་པར་ཆུ་ཚད་སྔར་ལས་མཐོ་བའི“ལྷའི་འབྲུ་མཛོད”བསྐྲུན་དགོས།

ཞི་ཅིན་ཕིང་གིས་གྲོང་གསེབ་དར་སྤེལ་ལ་སྐུལ་འདེད་གཏོང་བའི་གནས་ཚུལ་ལ་ཐུགས་ཁུར་ཆེན་པོ་གནང་གིན་འདུག ཁོང་རྐང་ཐང་དུ་ཕེབས་ནས་ཡུང་ཧྥེང་སྡེ་བའི་བཙོག་ཆུ་ཐག་གཅོད་རྫིང་བུ་དང་སྡེ་བའི་རྣམ་པར་གཟིགས་ཤིང་། སྡེ་བའི་འཕྲོད་བསྟེན་ས་ཚིགས་ལ་རྟོག་ཞིབ་མཛད་དེ། སྡེ་བ་དེས་མི་སྡོད་ཁོར་ཡུག་ལེགས་བཅོས་དང་ཞིང་སྡེའི་རིམས་ནད་སྔོན་འགོག་ཚོད་འཛིན་བྱ་བ་ལེགས་པོར་སྒྲུབ་པའི་གནས་ཚུལ་ལ་རྒྱུས་ལོན་ཟབ་མོ་གནང་། ཞི་ཅིན་ཕིང་གིས་ནན་གྱིས་བསྟན་དོན། ཡུལ་མི་རྣམས་ཀྱིས་ལྟོ་རྒྱབ་ལ་སེམས་ཁྲལ་བྱེད་མ་དགོས་ན། ཆེས་སེམས་ཁུར་བྱེད་ས་ནི་སྨན་བཅོས་ཀྱི་གནད་དོན་ཡིན་ངེས།གྲོང་གསེབ་ཀྱི་འཕྲོད་བསྟེན་མ་ལག་འཛུགས་སྐྲུན་བྱེད་ཤུགས་ཆེ་རུ་བཏང་ནས།རྒྱ་ཆེའི་ཞིང་པ་མང་ཚོགས་ཀྱི་གཞི་རྩའི་སྨན་བཅོས་འགན་སྲུང་ལེགས་པོ་བྱེད་དགོས། ཏང་གི་གཞི་རིམ་རྩ་འཛུགས་འཛུགས་སྐྲུན་ལེགས་པོ་བྱས་ཏེ།ཡུལ་མི་རྣམས་ཀྱི་སྣེ་ཁྲིད་དེ་དབུལ་ཕོངས་ལས་ཐར་རྗེས་མུ་མཐུད་དུ་གྲོང་གསེབ་དར་སྤེལ་ལ་སྐུལ་འདེད་གཏོང་དགོས།

ཚེས8ཉིན་གྱི་ཕྱི་དྲོར།ཞི་ཅིན་ཕིང་དབྱི་པིང་གྲོང་ཁྱེར་དུ་ཕེབས་ཏེ་རྟོག་ཞིབ་མཛད། འབྲི་ཆུ་དང་གསེར་ལྡན་ཆུ་བོ། མེན་ཅང་གཙང་བོ་བཅས་དབྱི་པིང་གྲོང་ཁྱེར་གྱི་མཁར་དཀྱིལ་དུ་འདྲེས་ཡོད་པས། གཙང་གསུམ་མཉམ་དུ་འདྲེས་པའི་བརྗིད་ཉམས་ལྡན་པའི་རྣམ་པ་ཞིག་ཆགས་ཡོད།དབྱི་པིང་ནི་ཆུ་ལ་བརྟེན་ནས་ཆགས་ཡོད་ལ།“ལེ་དབར་སྟོང་གི་འབྲི་ཆུའི་གྲོང་ཁྱེར་དང་པོ”ཞེས་པའི་མཚན་སྙན་ཐོབ་ཡོད།ལོ་ངོ་མང་པོའི་རིང་ལ་བསྟུད་མར་བཅོས་སྐྱོང་བྱས་པ་བརྒྱུད།གཙང་གསུམ་འགྲམ་ངོགས་ཀྱི་ཡུལ་ལྗོངས་སྔར་ལས་མཛེས་པར་གྱུར་ཏེ།མི་དམངས་མང་ཚོགས་ཆེས་དགའ་བའི་ཆུ་ངོགས་སྤྱི་གླིང་དུ་གྱུར་ཡོད། ཞི་ཅིན་ཕིང་གཙང་གསུམ་ཆུ་མགོ་རུ་ཕེབས་ཏེ།གཙང་གསུམ་འདྲེས་མཚམས་ལ་རྒྱང་གཟིགས་གནང་བ་དང་། ས་གནས་ཀྱིས་འབྲི་ཆུའི་འབབ་རྒྱུད་ཀྱི་སྐྱེ་ཁམས་ཉམས་གསོ་སྲུང་སྐྱོང་དང་འབྲི་ཆུའི་འབབ་རྒྱུད་དུ་ཉ་འཛིན་པ་གཏན་འགོག་བྱས་པའི་གནས་ཚུལ་མཚམས་སྦྱོར་བྱས་པར་གསན།ཞི་ཅིན་ཕིང་གིས་བསྟན་དོན། འབྲི་ཆུའི་འབབ་རྒྱུད་ཀྱི་སྐྱེ་ཁམས་ཁོར་ཡུག་ལ་སྲུང་སྐྱོབ་ལེགས་པོ་བྱེད་རྒྱུ་ནི། འབྲི་ཆུའི་དཔལ་འབྱོར་རྒྱུད་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བའི་སྔོན་འགྲོའི་ཆ་རྐྱེན་ཡིན་ལ།ཀྲུང་ཧྭའི་དཔལ་ཡོན་འབྱུང་ཁུངས་ལ་སྲུང་སྐྱོང་བྱེད་པའི་དགོས་ངེས་ཀྱི་བླང་བྱའང་ཡིན། སི་ཁྲོན་ནི་འབྲི་ཆུའི་སྟོད་རྒྱུད་དུ་གནས་པས།སྤྱི་ཡོངས་འདུ་ཤེས་ཇེ་དྲག་དང་སྟོད་རྒྱུད་འདུ་ཤེས་འཛུགས་པ་དང་སྲ་བརྟན་དུ་བཏང་ནས།བློ་བརྟན་འགྱུར་མེད་ཀྱིས་མཉམ་དུ་སྲུང་སྐྱོང་ཆེན་པོ་བྱེད་པ་དང་གསར་སྤེལ་ཆེན་པོ་མི་བྱེད་པའི་བྱེད་ཕྱོགས་ལག་བསྟར་བྱས་ཏེ།འབྲི་ཆུ་སྟོད་རྒྱུད་ཀྱི་སྐྱེ་ཁམས་སྲུང་ཡོལ་བརྟན་པོར་འཛུགས་པ་དང་གཙང་ཆུ་དྭངས་མོ་འདིར་སྲུང་སྐྱོང་ལེགས་པོ་བྱེད་དགོས།

སྔོན་དཔག་ལྟར་ན་ད་ལོར་རང་རྒྱལ་དུ་སློབ་ཆེན་གྱི་མཐར་ཕྱིན་སློབ་མ་ཁྲི1076ལ་བསླེབ་ངེས་པས། དུས་མཉམ་ལས་ཁྲི167ཇེ་མང་དུ་སོང་བས་ལོ་རྒྱུས་སྟེང་གི་ཆེས་མཐོ་ཤོས་ཀྱི་ཟིན་ཐོ་བསྐྲུན། ཞི་ཅིན་ཕིང་གིས་སློབ་ཆེན་གྱི་མཐར་ཕྱིན་སློབ་མའི་ལས་ཞུགས་གནས་ཚུལ་ལ་ཧ་ཅང་ཐུགས་ཁུར་གནང་ཞིང་། དབྱི་པིང་སློབ་གླིང་དུ་ཕེབས་ནས་རྟོག་ཞིབ་དང་བརྟག་ཞིབ་གནང་སྐབས། མཐར་ཕྱིན་སློབ་མའི་གསར་སྐྲུན་ལས་སྐྲུན་གྱི་འཐུས་ཚབ་བརྩམས་ཆོས་ཀྱི་བཤམས་སྟོན་ལ་གཟིགས་ཤིང་སློབ་གྲྭས་ལས་ཞུགས་ལས་སྐྲུན་ལ་མཛུབ་སྟོན་དང་ཞབས་འདེགས་ཞུ་བའི་བྱ་བར་རྒྱུས་ལོན་མཛད། སློབ་གྲྭའི་མི་སྣ་གདན་ཞུ་ཚོམས་ཁང་དུ་ཁེ་ལས་ཀྱིས་མི་སྣ་གདན་ཞུ་བྱེད་པའི་སྒྲོག་འགྲེལ་འདུ་ཚོགས་སྤེལ་བཞིན་ཡོད་ལ། （འཕྲོ་མ་པར་ངོས4པར་གཟིགས།）