སྐྱེ་ཁམས་སྲུང་སྐྱོབ་ཀྱི་མངགས་བཅོལ་ཡིད་ལ་བརྟན་པོར་བཅངས་ནས། བུ་རབས་ཚ་རྒྱུད་ལ་བདེ་སྐྱིད་བསྐྲུན་པའི་ལེའུ་གསར་པ་འབྲི་དགོས།
སྐྱེ་ཁམས་སྲུང་སྐྱོབ་ཀྱི་མངགས་བཅོལ་ཡིད་ལ་བརྟན་པོར་བཅངས་ནས། བུ་རབས་ཚ་རྒྱུད་ལ་བདེ་སྐྱིད་བསྐྲུན་པའི་ལེའུ་གསར་པ་འབྲི་དགོས།
གཙང་གསུམ་འབྱུང་ཡུལ་སྲུང་སྐྱོབ་ལེགས་པོར་བྱེད་པ་ནི“རྒྱལ་དོན་གྱི་ཆེ་ཕྱོགས”ཡིན། འགན་འཁྲི་གལ་ཆེན་ཁུར་དུ་བླངས་པའི་གཙང་པོའི་མགོ་ཁུངས་ཀྱི་བུ་དང་བུ་མོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“ཀྲུང་ཧྭའི་ཆུ་ལྕོག”ལ་སྲུང་སྐྱོབ་ལེགས་པོར་བྱེད་པའི་མངགས་བཅོལ་ཟབ་མོ་ཡིད་ལ་བརྟན་པོར་བཅངས་ཏེ། གཙང་པོའི་མགོ་ཁུངས་ཀྱི་ཡུལ་གྲུ་ཆེན་པོའི་རི་ཆུ་ནགས་ཞིང་མཚེའུ་དང་རྩྭ་ཐང་འཁྱགས་ཀླུང་བྱེ་ཐང་བཅས་ལ་མིག་འབྲས་བཞིན་གཅེས་ཤིང་སྲུང་བས། མགོ་ཁུངས་ཀྱི་ཆུའི་ཐོན་ཁུངས་ཚད་ལོ་རེ་བཞིན་ཇེ་མང་དང་རྩྭ་སའི་སྐྱེ་ཁམས་མ་ལག་རིམ་བཞིན་སླར་གསོ་བྱུང་ལ། གཙོད་དང་རྐྱང་སོགས་རི་སྐྱེས་སྲོག་ཆགས་ཀྱི་རིགས་ཁྱུ་མངོན་གསལ་གྱིས་ཇེ་མང་དུ་སོང་ནས། མཐའ་ཡས་པའི་གཙང་པོའི་མགོ་ཁུངས་དེ“རི་སྐྱེས་སྲོག་ཆགས་ཀྱི་ཞིང་ཁམས”སུ་གྱུར་ཡོད། མཚོ་སྔོན་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་དང་སླར་གསོ་བྱས་ཏེ། སྲོག་ལྡན་སྐྱེ་དངོས་དང་བུ་རབས་ཚ་རྒྱུད་ལ་བདེ་སྐྱིད་བསྐྲུན་དགོས།