ད་ལོ་ནི་སེམས་འགུལ་ཐེབས་པའི་ལོ་ཞིག་སྟེ། མཚོ་སྔོན་བདེ་ལུང་རིག་གནས་གསར་གཏོད་འགན་འཁྲི་ཚད་ཡོད་ཀུང་སི་བཙུགས་ནས་ལོ་ངོ20འགོར་བའི་ལོ་རེད། ང་རང་བདེ་ལུང་དང་མཉམ་དུ་འཚར་ལོངས་བྱུང་ནས་ལོ་ངོ་བརྒྱད་ཕྱིན། ཀུང་སིའི་ཁོངས་མི་ཞིག་ཡིན་པའི་ཆ་ནས།ང་ལ་སེམས་གཏིང་ནས་གཟི་བརྗིད་དང་དགའ་སྤྲོ་སྐྱེ་བཞིན་ཡོད། བདེ་ལུང་ཀུང་སིའི་འཚར་ལོངས་ནི་ངའི་འཚར་ལོངས་ཡིན་ལ། ང་ཚོ་ཐུན་མོང་གི་འབད་བརྩོན་འོག་རང་ཉིད་ཀྱི་མི་ཚེ་ལ་འགྱུར་ལྡོག་ཆེན་པོ་བྱུང་སྟེ། རང་ཉིད་ལ་དབང་བའི་གར་སྟེགས་འདིའི་ཐོག་ཏུ་བློ་སྤོབས་ཆེན་པོས་འཚོ་བར་གདོང་གཏོད་ཐུབ་ཀྱིན་ཡོད།

ཀུང་སིས་ང་ལ་མི་ཚེའི་བརྒྱུད་རིམ་གྱི་དུས་མཚམས་ཤིག་གི་སློབ་སྦྱོང་ཡར་ཐོན་གྱི་གོ་སྐབས་སྤྲད་པས། ཀུང་སིར་ཐུགས་རྗེ་ཆེ་ཞུ། དེ་རིང་།ངས་ལས་རིགས་དང་སྤྱི་ཚོགས། གྲོགས་པོ་བཅས་ལ་གདོང་གཏོད་སྐབས། ང་ཚོ་ནི་ཆེད་ལས་ཡིན་ལ་ང་ཚོ་ནི་ཡག་ཤོས་ཡིན་ཞེས་སྨྲ་སྤོབས། ལོ་འགའི་སྔོན་ལ་མི་རྣམས་ཀྱིས“ཁྱོད་ཚོས་ལས་ཀ་ཅི་ཞིག་བྱེད་པ་དང་། ཁྱོད་ཚོའི་ཀུང་སི་ཅི་འདྲ་ཡིན”ཞེས་འདྲི་སྲིད། ད་ལྟ་མི་རྣམས་ཀྱིས“གོ་ཐོས་སུ་ཁྱོད་ཚོ་ཡག་པོ་འདུག་ཟེར། མཚོ་སྔོན་བདེ་ལུང་པར་ཁང་ཧ་ཅང་ཡག་པོ་འདུག”ཅེས་བཤད་སྲིད། དེ་ནི་འཕེལ་རྒྱས་ཤིག་རེད། གང་ལགས་ཤེ་ན། བདེ་ལུང་གིས“ཁས་ལེན་བྱས་ཚེ་ནུས་ཤུགས་ཡོད་རྒུ་འདོན་པ”དེ་རང་གི་རྩ་དོན་དུ་བཟུང་ཡོད་པས་རེད། སློབ་སྦྱོང་གི་བརྒྱུད་རིམ་ཁྲོད་ང་ཚོ་རྒྱུན་ཆད་མེད་པར་འཕེལ་རྒྱས་ཕྱིན་པ་དང་། ཀུང་སི་དང་ངེད་གཉིས་ཀས་རྨང་གཞི་བརྟན་པོ་བཏིང་ནས་གོམ་པ་རེ་རེ་སྤོས་ཡོད།

པར་ཁང་དུ་བསྡད་པའི་ལོ་ངོ་བརྒྱད་པོ་ནི་རང་ཉིད་རྒྱུན་ཆད་མེད་པར་སྟོབས་ཆེར་བཏང་བའི་ལོ་ངོ་བརྒྱད་ཀྱང་ཡིན། ད་ཆ་ང་ཆེད་ལས་རྩལ་ནུས་དང་ཇུས་འགོད་རིག་ལམ་ཐད་བྱང་ཆུབ་པ་ཞིག་ཡིན། སྤྱི་ཚོགས་ཡར་རྒྱས་འགྲོ་བཞིན་ཡོད་པས། ང་ཚོས་ཚོང་རའི་དཔལ་འབྱོར་ལ་སྐུལ་འདེད་གཏོང་བའི་ནུས་པ་ཇེ་ཆེར་འགྲོ་ངེས་ཡིན་ལ། ངའི་ཕྲག་ཐོག་གི་འགན་འཁྲིའང་ཇེ་ལྕི་རུ་འགྲོ་ངེས་ཡིན། ཡིན་ནའང་ང་སྐྲག་གི་མི་འདུག ཀུང་སིའི་དམིགས་ཚད་འཐབ་ཇུས་དང་འཕེལ་རྒྱས་ཀྱི་མདུན་ལམ་ཇེ་བཟང་ནས་ཇེ་བཟང་དུ་འགྲོ་བར་ང་རང་ཡིད་ཆེས་ཡོད། དེ་བཞིན་དུ་རང་ཉིད་ཀྱིས་འབད་བརྩོན་བྱས་པར་བརྟེན་ངའི་མི་ཚེ་ཡང་དེ་བས་མཛེས་སྡུག་ལྡན་པ་དང་དེ་བས་ཕུན་སུམ་ཚོགས་པར་འགྱུར་ངེས་ཡིན་པར་ཡིད་ཆེས་བརྟན་པོ་ཡོད། །