ཉི་མ།ཟླ་བ།མིག་དམར།ལྷག་པ།ཕུར་བུ།པ་སངས།སྤེན་པ།

ཞི་ཅིན་ཕིང་གིས་རྒྱལ་ཁབ་ཆེན་མོའི་ལག་ཤེས་པའི་གསར་སྐྲུན་བརྗེ་སྤེལ་ཚོགས་ཆེན་སྐབས་དང་པོར་ཕུལ་བའི་རྟེན་འབྲེལ་ཞུ་ཡིག

ཞི་ཅིན་ཕིང་གིས་རྒྱལ་ཁབ་ཆེན་མོའི་ལག་ཤེས་པའི་གསར་སྐྲུན་བརྗེ་སྤེལ་ཚོགས་ཆེན་སྐབས་དང་པོར་ཕུལ་བའི་རྟེན་འབྲེལ་ཞུ་ཡིག

རྒྱལ་ཁབ་ཆེན་མོའི་ལག་ཤེས་པའི་གསར་སྐྲུན་བརྗེ་སྤེལ་ཚོགས་ཆེན་སྐབས་དང་པོ་ཚོགས་པའི་སྐབས་འདིར། ངས་ཚོགས་ཆེན་འཚོགས་པར་སྤྲོ་སེམས་འཁོལ་བའི་ངང་ནས་རྟེན་འབྲེལ་ཞུས་པ་ཡིན།

ལག་རྩལ་ལག་ཤེས་པའི་དཔུང་ཁག་ནི་ཀྲུང་གོའི་བཟོ་སྐྲུན་དང་ཀྲུང་གོའི་གསར་གཏོད་ལ་འདེགས་སྐྱོར་བྱེད་པའི་སྟོབས་ཤུགས་གཙོ་བོ་ཡིན། རང་རྒྱལ་གྱི་བཟོ་པ་གྲལ་རིམ་དང་རྒྱ་ཆེའི་ངལ་རྩོལ་མང་ཚོགས་ཀྱིས་ངལ་རྩོལ་དཔེ་ལེགས་པའི་སྙིང་སྟོབས་དང་ངལ་རྩོལ་སྙིང་སྟོབས། ལག་ཤེས་པའི་སྙིང་སྟོབས་ཤུགས་ཆེན་པོས་དར་སྤེལ་བཏང་སྟེ། དེང་སྐབས་ཀྱི་འཛམ་གླིང་ཚན་རྩལ་གསར་བརྗེ་དང་ཐོན་ལས་འཕོ་འགྱུར་གྱི་དགོས་མཁོར་འཚམ་དུ་འཇུག་པ་དང་། དཀའ་སྤྱད་སྦྱོང་བརྡར་དང་ཞིབ་འཇུག་གཏིང་ཟབ་བྱེད་པ། གསར་སྐྲུན་བྱེད་ཕོད་ཅིང་ཡར་ཐོན་བརྩོན་ཕོད་པའི་སྒོ་ནས་ལག་རྩལ་རྩལ་ནུས་ཀྱི་ཆུ་ཚད་རྒྱུན་ཆད་མེད་པར་མཐོར་འདེགས་བཏང་ནས། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་། བཟོ་སྐྲུན་སྟོབས་ལྡན་རྒྱལ་ཁབ་ཀྱི་འཐབ་ཇུས་ལག་བསྟར་བྱེད་པ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཁྱོན་ཡོངས་ནས་འཛུགས་སྐྲུན་བྱེད་པ་བཅས་ལ་བློ་གྲོས་དང་སྟོབས་ཤུགས་འབུལ་དགོས། རིམ་པ་སོ་སོའི་ཏང་ཨུ་དང་སྲིད་གཞུང་གིས་ཐོན་ལས་བཟོ་པའི་དཔུང་ཁག་འཛུགས་སྐྲུན་དང་བཅོས་བསྒྱུར་ཟབ་སྤེལ་བྱེད་པ། ལག་རྩལ་བཟོ་པའི་དཔུང་ཁག་གི་ནུས་པ་འདོན་སྤེལ་བྱེད་པར་མཐོང་ཆེན་བྱས་ནས། ཁོ་ཚོར་གསར་སྐྲུན་གྱི་ནུས་པ་དང་ཡོན་ཏན་གང་ལེགས་ཀྱིས་འདོན་དུ་འཇུག་དགོས།

“ལྔ་གཅིག”རྒྱལ་སྤྱིའི་ངལ་རྩོལ་དུས་ཆེན་ཐོན་ལ་ཉེ་བའི་སྐབས་སུ། ངས་ཏང་ཀྲུང་དབྱང་གི་ཚབ་བྱས་ཏེ་རྒྱ་ཆེའི་རྩལ་ནུས་འཇོན་མི་དང་ངལ་རྩོལ་དཔེ་ལེགས་ཅན་རྣམས་ལ་ལྷག་བསམ་ཟོལ་མེད་ཀྱིས་འཚམས་འདྲི་ཞུས་པ་དང་། རྒྱ་ཆེའི་ངལ་རྩོལ་མང་ཚོགས་རྣམས་ལ་དུས་ཆེན་གྱི་རྟེན་འབྲེལ་ཞུས་པ་ཡིན། །

ཞི་ཅིན་ཕིང་གིས།

2022ལོའི་ཟླ4པའི་ཚེས27ཉིན།

ཞིན་ཧྭ་གསར་འགྱུར་ཁང་གི་གློག་འཕྲིན།